jidhar dekho lahū bikhrā huā hai

nishāna kaun golī kā banā hai

jidhar dekho lahu bikhra hua hai

nishana kaun goli ka bana hai

larzāñ hai kisī ḳhauf se jo shaam kā chehra

āñkhoñ meñ koī ḳhvāb pirone nahīñ detā

larzan hai kisi KHauf se jo sham ka chehra

aankhon mein koi KHwab pirone nahin deta

mujhe to yuuñ bhī isī raah se guzarnā thā

dil-e-tabāh kā kuchh to ilaaj karnā thā

mujhe to yun bhi isi rah se guzarna tha

dil-e-tabah ka kuchh to ilaj karna tha

murda paḌe the log gharoñ kī panāh meñ

dariyā vafūr-e-ġhaiz se biphrā thā chaar sū

murda paDe the log gharon ki panah mein

dariya wafur-e-ghaiz se biphra tha chaar su

yuuñ to apnoñ sā kuchh nahīñ is meñ

phir bhī ġhairoñ se vo alag sā hai

yun to apnon sa kuchh nahin is mein

phir bhi ghairon se wo alag sa hai