aaj 'qābil' mai-kade meñ inqalāb aane ko hai

ahl-e-dil andesha-e-sūd-o-ziyāñ tak aa ga.e

aaj 'qabil' mai-kade mein inqalab aane ko hai

ahl-e-dil andesha-e-sud-o-ziyan tak aa gae

ḳhud tumheñ chāk-e-garebāñ kā shu.ūr aa jā.egā

tum vahāñ tak aa to jaao ham jahāñ tak aa ga.e

KHud tumhein chaak-e-gareban ka shuur aa jaega

tum wahan tak aa to jao hum jahan tak aa gae

kūcha-e-yār markaz-e-anvār

apne dāman meñ dasht-e-ġham kī ḳhaak

kucha-e-yar markaz-e-anwar

apne daman mein dasht-e-gham ki KHak

kuchh der kisī zulf ke saa.e meñ Thahar jaa.eñ

'qābil' ġham-e-daurāñ kī abhī dhuup kaḌī hai

kuchh der kisi zulf ke sae mein Thahar jaen

'qabil' gham-e-dauran ki abhi dhup kaDi hai

rañg-e-mahfil chāhtā hai ik mukammal inqalāb

chand sham.oñ ke bhaḌakne se sahar hotī nahīñ

rang-e-mahfil chahta hai ek mukammal inqalab

chand shamon ke bhaDakne se sahar hoti nahin