kahānī ḳhatm huī aur aisī ḳhatm huī

ki log rone lage tāliyāñ bajāte hue

kahani KHatm hui aur aisi KHatm hui

ki log rone lage taliyan bajate hue

shajar ne pūchhā ki tujh meñ ye kis kī ḳhushbū hai

havā-e-shām-e-alam ne kahā udāsī kī

shajar ne puchha ki tujh mein ye kis ki KHushbu hai

hawa-e-sham-e-alam ne kaha udasi ki

tere bin ghaḌiyāñ ginī haiñ raat din

nau baras gyārah mahīne saat din

tere bin ghaDiyan gini hain raat din

nau baras gyarah mahine sat din

tum to darvāza khulā dekh ke dar aa.e ho

tum ne dekhā nahīñ dīvār ko dar hone tak

tum to darwaza khula dekh ke dar aae ho

tum ne dekha nahin diwar ko dar hone tak

vo pahle sirf mirī aañkh meñ samāyā thā

phir ek roz ragoñ tak utar gayā mujh meñ

wo pahle sirf meri aankh mein samaya tha

phir ek roz ragon tak utar gaya mujh mein