itnā nārāz ho kyuuñ us ne jo patthar pheñkā

us ke hāthoñ se kabhī phuul bhī aayā hogā

itna naraaz ho kyun us ne jo patthar phenka

us ke hathon se kabhi phul bhi aaya hoga

shaam Dhale ye soch ke baiThe ham apnī tasvīr ke paas

saarī ġhazleñ baiThī hoñgī apne apne miir ke paas

sham Dhale ye soch ke baiThe hum apni taswir ke pas

sari ghazlen baiThi hongi apne apne mir ke pas

shohrat kī fazāoñ meñ itnā na uḌo 'sāġhar'

parvāz na kho jaa.e in ūñchī uḌānoñ meñ

shohrat ki fazaon mein itna na uDo 'saghar'

parwaz na kho jae in unchi uDanon mein

tum se miltī-jultī maiñ āvāz kahāñ se lā.ūñgā

tāj-mahal ban jaa.e agar mumtāz kahāñ se lā.ūñgā

tum se milti-julti main aawaz kahan se launga

taj-mahal ban jae agar mumtaz kahan se launga

us ke jazbāt se yuuñ khel rahā huuñ 'sāġhar'

jaise paanī meñ koī aag lagānā chāhe

us ke jazbaat se yun khel raha hun 'saghar'

jaise pani mein koi aag lagana chahe