tark-e-mohabbat par bhī hogī un ko nadāmat ham se ziyāda

kis ne kī hai kaun karegā un se mohabbat ham se ziyāda

tark-e-mohabbat par bhi hogi un ko nadamat hum se ziyaada

kis ne ki hai kaun karega un se mohabbat hum se ziyaada

mirī ḳhushī se mire dostoñ ko ġham hai 'shamīm'

mujhe bhī is kā bahut ġham hai kyā kiyā jaa.e

meri KHushi se mere doston ko gham hai 'shamim'

mujhe bhi is ka bahut gham hai kya kiya jae

bā-vafā.ī kī adā paane lagā huuñ tujh meñ

ai jafā-dost ye kyā dekh rahā huuñ tujh meñ

ba-wafai ki ada pane laga hun tujh mein

ai jafa-dost ye kya dekh raha hun tujh mein

bahut tavīl shab-e-ġham hai kyā kiyā jaa.e

umīd-e-sub.h bahut kam hai kyā kiyā jaa.e

bahut tawil shab-e-gham hai kya kiya jae

umid-e-subh bahut kam hai kya kiya jae

duniyā hai ki gosha-e-jahannam

har vaqt azāb-e-ilāhī tauba

duniya hai ki gosha-e-jahannam

har waqt azab-e-ilahi tauba