āsmānoñ par bhī haiñ charche husn-e-ālamgīr ke

chāñd ne bhī rañg uḌaa.e chāñd sī tasvīr ke

aasmanon par bhi hain charche husn-e-alamgir ke

chand ne bhi rang uDae chand si taswir ke

falak bedād kartā hai jo jaur ījād karte haiñ

ġhazab shāgird Dhātā hai sitam ustād karte haiñ

falak bedad karta hai jo jaur ijad karte hain

ghazab shagird Dhata hai sitam ustad karte hain

jurm itne kar chalā huuñ hashr tak likkheñge roz

kātib-e-āmāl pā.eñge na fursat kaam se

jurm itne kar chala hun hashr tak likkhenge roz

katib-e-amal paenge na fursat kaam se

use bahisht ke zindāñ meñ bhej denā tum

gunāhgār-e-mohabbat ko ye sazā denā

use bahisht ke zindan mein bhej dena tum

gunahgar-e-mohabbat ko ye saza dena