aaine madd-e-muqabil ho gae

aa.ine madd-e-muqābil ho ga.e

darmiyāñ ham un ke haa.il ho ga.e

kuchh na hote hote ik din ye huā

saikḌoñ sadiyoñ kā hāsil ho ga.e

kashtiyāñ aa kar gale lagne lagīñ

Duub kar āḳhir ko sāhil ho ga.e

aur ehsās-e-jihālat baḌh gayā

kis qadar paḌh likh ke jāhil ho ga.e

apnī apnī raah chalne vaale log

bhiiḌ meñ āḳhir ko shāmil ho ga.e

tandurustī zaḳhm-e-kārī se huī

ye huā sharminda qātil ho ga.e

husn to puurā adhūre-pan meñ hai

sab adhūre māh-e-kāmil ho ga.e

aaine madd-e-muqabil ho gae

darmiyan hum un ke hail ho gae

kuchh na hote hote ek din ye hua

saikDon sadiyon ka hasil ho gae

kashtiyan aa kar gale lagne lagin

Dub kar aaKHir ko sahil ho gae

aur ehsas-e-jihaalat baDh gaya

kis qadar paDh likh ke jahil ho gae

apni apni rah chalne wale log

bhiD mein aaKHir ko shamil ho gae

tandurusti zaKHm-e-kari se hui

ye hua sharminda qatil ho gae

husn to pura adhure-pan mein hai

sab adhure mah-e-kaamil ho gae