aankhen bujh jaengi shola rah jaega

āñkheñ bujh jā.eñgī sho'la rah jā.egā

yā'nī jo dekhā thā dekhā rah jā.egā

aglī sā'at she'r puurā kar pā.egī

yā ye misra mere jaisā rah jā.egā

terā bosa aisā pyāla hai jis meñ se

paanī piine vaalā pyāsā rah jā.egā

donoñ meñ se us pe dil ko ruknā hogā

lamhoñ meñ se jo ziyāda rah jā.egā

merī aahaT sun le jo tū sun saktā hai

phir ye aanā jaanā naġhma rah jā.egā

rang āḳhir uḌte jā.eñge yādoñ ke

dil meñ baaqī hai jo ḳhāka rah jā.egā

laḌkiyāñ do uTh na pā.eñgī leTī to

husn apnā husn chuntā rah jā.egā

aankhen bujh jaengi sho'la rah jaega

ya'ni jo dekha tha dekha rah jaega

agli sa'at she'r pura kar paegi

ya ye misra mere jaisa rah jaega

tera bosa aisa pyala hai jis mein se

pani pine wala pyasa rah jaega

donon mein se us pe dil ko rukna hoga

lamhon mein se jo ziyaada rah jaega

meri aahaT sun le jo tu sun sakta hai

phir ye aana jaana naghma rah jaega

rang aaKHir uDte jaenge yaadon ke

dil mein baqi hai jo KHaka rah jaega

laDkiyan do uTh na paengi leTi to

husn apna husn chunta rah jaega