آنسو ہیں اور نہ آہ و زاری ہے

آنسو ہیں اور نہ آہ و زاری ہے

اک عجب دل کو بے قراری ہے

کیسی یہ اب کے بے قراری ہے

ایک اک سانس یاں پہ بھاری ہے

ہجر کا غم ہے انتہا کا پر

آنکھ نم ہے نہ آہ و زاری ہے

تھا ادھورا کبھی بنا میرے

جس کو دو پل کا ساتھ بھاری ہے

کچھ نہیں ہے تمہارے ہاتھوں میں

سانس تک پہ بے اختیاری ہے

جی رہے ہو سمجھ کے اپنی تم

جب کہ یہ زندگی ہماری ہے

اب تو لگتا ہے اک تماشا سا

دھڑکنوں کا جو کھیل جاری ہے

جی رہے ہیں ترے بنا ہم جو

اس میں قدرت کی دست کاری ہے

اب اجالا ہے شمسہؔ محفل ہے

کیونکہ یہ روشنی تمہاری ہے