aazurda nigahon pe ye manzar nahin utra

āzurda nigāhoñ pe ye manzar nahīñ utrā

sahrā-e-tasavvur meñ koī ghar nahīñ utrā

jab mil gayā irfān-e-nazar mujh ko ḳhudā se

phir kyuuñ mire ehsās se mahshar nahīñ utrā

dekhā nahīñ jis ne mire tūfāñ ko sukūñ meñ

vo shaḳhs mirī ruuh ke andar nahīñ utrā

zālim to bahut haiñ magar ab un ko miTāne

phir koī abābīl kā lashkar nahīñ utrā

is masnad-e-ḳhākī pe maiñ baiThā huuñ jahāñ par

koī bhī mahal-sāz barābar nahīñ utrā

tanhā.ī jahāñ bhī milī ādāb kiyā hai

haq-talfī pe us kī mirā paikar nahīñ utrā

samjhaute bulāte rahe de kar mujhe gauhar

īmāñ ke ziyāñ meñ magar 'az.har' nahīñ utrā

aazurda nigahon pe ye manzar nahin utra

sahra-e-tasawwur mein koi ghar nahin utra

jab mil gaya irfan-e-nazar mujh ko KHuda se

phir kyun mere ehsas se mahshar nahin utra

dekha nahin jis ne mere tufan ko sukun mein

wo shaKHs meri ruh ke andar nahin utra

zalim to bahut hain magar ab un ko miTane

phir koi ababil ka lashkar nahin utra

is masnad-e-KHaki pe main baiTha hun jahan par

koi bhi mahal-saz barabar nahin utra

tanhai jahan bhi mili aadab kiya hai

haq-talfi pe us ki mera paikar nahin utra

samjhaute bulate rahe de kar mujhe gauhar

iman ke ziyan mein magar 'azhar' nahin utra