ابھی اشکوں میں خوں شامل نہیں ہے
ابھی اشکوں میں خوں شامل نہیں ہے
محبت کا جنوں کامل نہیں ہے
زمانے سے محبت کا ابھی تک
یہ حاصل ہے کہ کچھ حاصل نہیں ہے
نہ آنکھیں پھوڑ اس دشت جنوں میں
یہ راہ ناقۂ محمل نہیں ہے
زمیں پر بیٹھ جا اے شیخ تو بھی
یہ بزم مے تری محفل نہیں ہے
طبیبوں سے کہو گھر لوٹ جائیں
یہ درد دل وہ درد دل نہیں ہے
ہمیں اخلاقؔ اس سے بے خبر ہیں
کسی پل ہم سے وہ غافل نہیں ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
