abhi baadalon ka safar kahan mere mehrban

abhī bādaloñ kā safar kahāñ mire mehrbāñ

abhī qaid huuñ sar-e-āshiyāñ mire mehrbāñ

rahe fāsle mirī dastaras meñ tamām din

magar ab to shaam kā hai samāñ mire mehrbāñ

sabhī pursish-e-ġham-e-jāñ ke vāste aa.e the

mire chārāgar mire nauha-ḳhvāñ mire mehrbāñ

vahī lafz haiñ durr-e-be-bahā mire vāste

jinheñ chhū ga.ī ho tirī zabāñ mire mehrbāñ

sabhī marhale rah-e-shauq ke the nigāh meñ

mire hausle rahe nā-tavāñ mire mehrbāñ

kabhī gardish-e-shab-o-roz se na amaañ milī

mire sar pe kab na thā āsmāñ mire mehrbāñ

abhi baadalon ka safar kahan mere mehrban

abhi qaid hun sar-e-ashiyan mere mehrban

rahe fasle meri dastaras mein tamam din

magar ab to sham ka hai saman mere mehrban

sabhi pursish-e-gham-e-jaan ke waste aae the

mere chaaragar mere nauha-KHwan mere mehrban

wahi lafz hain durr-e-be-baha mere waste

jinhen chhu gai ho teri zaban mere mehrban

sabhi marhale rah-e-shauq ke the nigah mein

mere hausle rahe na-tawan mere mehrban

kabhi gardish-e-shab-o-roz se na aman mili

mere sar pe kab na tha aasman mere mehrban