achchha hai koi tir-ba-nashtar bhi le chalo
achchhā hai koī tīr-bā-nashtar bhī le chalo
kuchh yādgār-e-shahr-e-sitamgar bhī le chalo
sab jā rahe gulāb se chehre liye hue
tum ā.inoñ ke shahr meñ patthar bhī le chalo
yuuñ kam nahīñ hai shīrīñ-bayānī hī aap kī
chāho to āstīn meñ ḳhanjar bhī le chalo
mujh ko kisī yazīd kī bai.at nahīñ qubūl
neze ye rakkho aao mirā sar bhī le chalo
kyā jaane kaise ḳhvāb sajāne paḌeñ ai 'shauq'
āñkho meñ ik hasīn sā manzar bhī le chalo
achchha hai koi tir-ba-nashtar bhi le chalo
kuchh yaadgar-e-shahr-e-sitamgar bhi le chalo
sab ja rahe gulab se chehre liye hue
tum aainon ke shahr mein patthar bhi le chalo
yun kam nahin hai shirin-bayani hi aap ki
chaho to aastin mein KHanjar bhi le chalo
mujh ko kisi yazid ki baiat nahin qubul
neze ye rakkho aao mera sar bhi le chalo
kya jaane kaise KHwab sajaane paDen ai 'shauq'
aankho mein ek hasin sa manzar bhi le chalo
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
