adu se shikwa-e-qaid-o-qafas kya

adū se shikva-e-qaid-o-qafas kyā

tumhāre baa'd jiine kī havas kyā

ham apnī dastaras meñ bhī nahīñ haiñ

zamāne par hamārī dastaras kyā

ka.ī din se ye dil kyuuñ muztarib hai

nahīñ chaltā ab is pe apnā bas kyā

hamāre paañv meñ chhāle paḌe haiñ

to phir is meñ ḳhatā-e-ḳhār-o-ḳhas kyā

jahāñ ḳhālī jagah hai baiTh jaao

'aqīdat meñ ye fikr-e-pesh-o-pas kyā

ḳhafā rahne lage ho mujh se aksar

judā ho jāoge ab ke baras kyā

adu se shikwa-e-qaid-o-qafas kya

tumhaare ba'd jine ki hawas kya

hum apni dastaras mein bhi nahin hain

zamane par hamari dastaras kya

kai din se ye dil kyun muztarib hai

nahin chalta ab is pe apna bas kya

hamare panw mein chhaale paDe hain

to phir is mein KHata-e-KHar-o-KHas kya

jahan KHali jagah hai baiTh jao

'aqidat mein ye fikr-e-pesh-o-pas kya

KHafa rahne lage ho mujh se aksar

juda ho jaoge ab ke baras kya