apni girah se kuchh na mujhe aap dijiye

apnī girah se kuchh na mujhe aap dījiye

aḳhbār meñ to naam mirā chhāp dījiye

dekho jise vo pionēr office meñ hai DaTā

bahr-e-ḳhudā mujhe bhī kahīñ chhāp dījiye

chashm-e-jahāñ se hālat-e-aslī chhupī nahīñ

aḳhbār meñ jo chāhiye vo chhāp dījiye

da.avā bahut baḌā hai riyāzī meñ aap ko

tūl-e-shab-e-firāq ko to naap dījiye

sunte nahīñ haiñ shaiḳh na.ī raushnī kī baat

engine kī un ke kaan meñ ab bhaap dījiye

is but ke dar pe ġhair se 'akbar' ne kah diyā

zar hī maiñ dene laayā huuñ jaan aap dījiye

apni girah se kuchh na mujhe aap dijiye

aKHbar mein to nam mera chhap dijiye

dekho jise wo pioneer office mein hai DaTa

bahr-e-KHuda mujhe bhi kahin chhap dijiye

chashm-e-jahan se haalat-e-asli chhupi nahin

aKHbar mein jo chahiye wo chhap dijiye

dawa bahut baDa hai riyazi mein aap ko

tul-e-shab-e-firaq ko to nap dijiye

sunte nahin hain shaiKH nai raushni ki baat

engine ki un ke kan mein ab bhap dijiye

is but ke dar pe ghair se 'akbar' ne kah diya

zar hi main dene laya hun jaan aap dijiye