apni mahfil mein agar mujhko nahin paoge

apnī mahfil meñ agar mujh ko nahīñ pāoge

aise hālāt meñ tum aur bhī ghabrāoge

shauq se jaur-o-sitam mujh pe karo tum lekin

apnī nādānī pe ḳhud aap hī pachhtāoge

nāz-o-andāz kī qīmat hai tire mere sabab

kis kī mahfil meñ bhalā aur ġhazab Dhāoge

koī hogā nahīñ is jins-e-vafā kā tālib

kaun hai mere sivā jis ko ye dikhlāoge

kaaT lo merī zabāñ kaise vafādār kahūñ

haath meñ baale kaḌe paañv meñ pahnāoge

saḳht din apne is ummīd pe guzre 'ḳhushtar'

aaoge aaoge ab aaoge ab aaoge

apni mahfil mein agar mujh ko nahin paoge

aise haalat mein tum aur bhi ghabraoge

shauq se jaur-o-sitam mujh pe karo tum lekin

apni nadani pe KHud aap hi pachhtaoge

naz-o-andaz ki qimat hai tere mere sabab

kis ki mahfil mein bhala aur ghazab Dhaoge

koi hoga nahin is jins-e-wafa ka talib

kaun hai mere siwa jis ko ye dikhlaoge

kaT lo meri zaban kaise wafadar kahun

hath mein baale kaDe panw mein pahnaoge

saKHt din apne is ummid pe guzre 'KHushtar'

aaoge aaoge ab aaoge ab aaoge