be-ajal kaam na apna kisi unwan nikla

Fani Badayuni

be-ajal kaam na apna kisi unwan nikla

Fani Badayuni

MORE BY Fani Badayuni

    be-ajal kaam na apnā kisī unvāñ niklā

    dam to niklā magar āzurda-e-ehsāñ niklā

    aa ga.ī hai tire bīmār ke muñh par raunaq

    jaan kyā jism se niklī koī armāñ niklā

    dil-e-āgāh se kyā kyā hameñ ummīdeñ thiiñ

    vo bhī qismat se charāġh-e-tah-e-dāmāñ niklā

    dil bhī thā muñh se bas ik aah nikal jaane tak

    aag siine meñ lagā kar ġham-e-pinhāñ niklā

    chārāgar nāseh-e-mushfiq dil-e-be-sabr-o-qarār

    jo milā ishq meñ ġham-ḳhvār vo nādāñ niklā

    shikva manzūr nahīñ tazkira-e-ishq na chheḌ

    ki vo dar-parda mirā hāl-e-pareshāñ niklā

    bijliyāñ shāḳh-e-nasheman pe bichhī jaatī hai

    kyā nasheman se koī soḳhta-sāmāñ niklā

    ab junūñ se bhī tavaqqo nahīñ āzādī

    chāk-e-dāmāñ bhī ba-andāza-e-dāmāñ niklā

    haa.e vo vāda-e-fardā madad vaqt-e-aḳhīr

    haa.e vo matlab-e-dushvār ki āsāñ niklā

    shauq-e-betāb anjām tahayyur paayā

    dil samajhte the jise dīda-e-hairāñ niklā

    us ne kyā sīna-e-sad-chāk se khīñchā 'fānī'

    dil maiñ kahtā huuñ vo kahtā hai ki paikāñ niklā

    be-ajal kaam na apna kisi unwan nikla

    dam to nikla magar aazurda-e-ehsan nikla

    aa gai hai tere bimar ke munh par raunaq

    jaan kya jism se nikli koi arman nikla

    dil-e-agah se kya kya hamein ummiden thin

    wo bhi qismat se charagh-e-tah-e-daman nikla

    dil bhi tha munh se bas ek aah nikal jaane tak

    aag sine mein laga kar gham-e-pinhan nikla

    chaaragar naseh-e-mushfiq dil-e-be-sabr-o-qarar

    jo mila ishq mein gham-KHwar wo nadan nikla

    shikwa manzur nahin tazkira-e-ishq na chheD

    ki wo dar-parda mera haal-e-pareshan nikla

    bijliyan shaKH-e-nasheman pe bichhi jati hai

    kya nasheman se koi soKHta-saman nikla

    ab junun se bhi tawaqqo nahin aazadi ki

    chaak-e-daman bhi ba-andaza-e-daman nikla

    hae wo wada-e-farda ki madad waqt-e-aKHir

    hae wo matlab-e-dushwar ki aasan nikla

    shauq-e-betab ka anjam tahayyur paya

    dil samajhte the jise dida-e-hairan nikla

    us ne kya sina-e-sad-chaak se khincha 'fani'

    dil main kahta hun wo kahta hai ki paikan nikla

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY