bhiD aisi hai ki mujhko rasta milta nahin

bhiiḌ aisī hai ki mujh ko rāsta miltā nahīñ

gul koī khiltā nahīñ sho.ala koī uThtā nahīñ

ai mire shauq-e-talab tere junūñ kī ḳhair ho

tū ne kyā had-e-nigah kā fāsla dekhā nahīñ

ai ġhurūr-e-husn maiñ tere badan kā aks huuñ

mahv-e-hairat huuñ ki tū ne mujh ko pahchānā nahīñ

ek pal meñ ye ridā-e-āb meñ chhup jā.eñgī

rañg kī lahroñ ke pīchhe bhāgnā achchhā nahīñ

dil jahāñ le jaa.e dil ke saath jaanā chāhiye

is se baḌh kar aur koī rahnumā hotā nahīñ

jis ke jalvaoñ ne azal se muztarib rakkhā mujhe

vo to mere sāmne bhī aaj tak aayā nahīñ

bhiD aisi hai ki mujh ko rasta milta nahin

gul koi khilta nahin shoala koi uThta nahin

ai mere shauq-e-talab tere junun ki KHair ho

tu ne kya had-e-nigah ka fasla dekha nahin

ai ghurur-e-husn main tere badan ka aks hun

mahw-e-hairat hun ki tu ne mujh ko pahchana nahin

ek pal mein ye rida-e-ab mein chhup jaengi

rang ki lahron ke pichhe bhagna achchha nahin

dil jahan le jae dil ke sath jaana chahiye

is se baDh kar aur koi rahnuma hota nahin

jis ke jalwaon ne azal se muztarib rakkha mujhe

wo to mere samne bhi aaj tak aaya nahin