dard lenge na hum dawa lenge
dard leñge na ham davā leñge
apne hisse kī kuchh sazā leñge
baat vo jo kabhī huī hī nahīñ
ham usī baat kā mazā leñge
log vaise bhī āzmāte haiñ
log aise bhī aazmā leñge
kāñch sā dil kahāñ pe rakhkhoge
log patthar agar uThā leñge
tum bhī sūraj ko sāmne rakhnā
ham bhī apne diye jalā leñge
vo agar ban gayā koī manzar
ham use aañkh meñ sajā leñge
vo ujālā hai ham ujāle ko
dil-e-tārīk meñ chhupā leñge
dard lenge na hum dawa lenge
apne hisse ki kuchh saza lenge
baat wo jo kabhi hui hi nahin
hum usi baat ka maza lenge
log waise bhi aazmate hain
log aise bhi aazma lenge
kanch sa dil kahan pe rakhkhoge
log patthar agar uTha lenge
tum bhi suraj ko samne rakhna
hum bhi apne diye jala lenge
wo agar ban gaya koi manzar
hum use aankh mein saja lenge
wo ujala hai hum ujale ko
dil-e-tarik mein chhupa lenge
- Book : Beesveen Sadi Ki Behtareen Ishqiya Ghazlen (Pg. 37)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
