درد لیں گے نہ ہم دوا لیں گے
اپنے حصے کی کچھ سزا لیں گے
بات وہ جو کبھی ہوئی ہی نہیں
ہم اسی بات کا مزا لیں گے
لوگ ویسے بھی آزماتے ہیں
لوگ ایسے بھی آزما لیں گے
کانچ سا دل کہاں پہ رکھو گے
لوگ پتھر اگر اٹھا لیں گے
تم بھی سورج کو سامنے رکھنا
ہم بھی اپنے دیے جلا لیں گے
وہ اگر بن گیا کوئی منظر
ہم اسے آنکھ میں سجا لیں گے
وہ اجالا ہے ہم اجالے کو
دل تاریک میں چھپا لیں گے
مأخذ :
- کتاب : Beesveen Sadi Ki Behtareen Ishqiya Ghazlen (Pg. 37)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
