daryaft kar liya hai basaya nahin mujhe
daryāft kar liyā hai basāyā nahīñ mujhe
sāmān rakh diyā hai sajāyā nahīñ mujhe
kaisā ajiib shaḳhs hai uTh kar chalā gayā
barbād ho gayā to batāyā nahīñ mujhe
vo mere ḳhvāb le ke sirhāne khaḌā rahā
maiñ so rahī thī us ne jagāyā nahīñ mujhe
baazī to us ke haath thī phir bhī na jaane kyuuñ
mohra samajh ke us ne baḌhāyā nahīñ mujhe
us ne hazār ahd-e-mohabbat ke bāvajūd
jo raaz pūchhtī huuñ batāyā nahīñ mujhe
vo intihā-e-shauq thī yā intihā-e-zabt
tanhā.ī meñ bhī haath lagāyā nahīñ mujhe
daryaft kar liya hai basaya nahin mujhe
saman rakh diya hai sajaya nahin mujhe
kaisa ajib shaKHs hai uTh kar chala gaya
barbaad ho gaya to bataya nahin mujhe
wo mere KHwab le ke sirhane khaDa raha
main so rahi thi us ne jagaya nahin mujhe
bazi to us ke hath thi phir bhi na jaane kyun
mohra samajh ke us ne baDhaya nahin mujhe
us ne hazar ahd-e-mohabbat ke bawajud
jo raaz puchhti hun bataya nahin mujhe
wo intiha-e-shauq thi ya intiha-e-zabt
tanhai mein bhi hath lagaya nahin mujhe
- Book : Urdu Gazal ka Magribi Daricha (Pg. 41)
- Author : Dr. Jawaz Jafri
- Publication : Kitab Saray, Lahore (2011)
- Edition : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
