dil apni talab mein sadiq tha ghabra ke su-e-matlub gaya

Shad Azimabadi

dil apni talab mein sadiq tha ghabra ke su-e-matlub gaya

Shad Azimabadi

MORE BY Shad Azimabadi

    dil apnī talab meñ sādiq thā ghabrā ke sū-e-matlūb gayā

    dariyā se ye motī niklā thā dariyā meñ kar Duub gayā

    ahvāl-e-javānī piirī meñ kyā arz karūñ ik qissa hai

    vo tarz ga.ī vo vaz.a ga.ī andāz gayā uslūb gayā

    lā-raib ḳhamoshī ne terī tāsīr dikhā mastoñ ko

    be-bāk jo mai-kash thā saaqī us bazm se vo mahjūb gayā

    be-rāhila-va-be-zād-e-safar rahmat pe bharosā farmā kar

    jo mulk-e-adam meñ basne ko is tarah gayā vo ḳhuub gayā

    bad-hāl bahut thā us par bhī ai yaar kisī ne na ḳhabar

    baḌ maar ke tere kūche se āḳhir ko tirā majzūb gayā

    rizvāñ ne kiyā dar ḳhuld hūreñ huiiñ sadqe aa aa kar

    ġhilmāñ ne qadam chūme us ke jo terī taraf mansūb gayā

    tāqat jo nahīñ ab hairat se tasvīr aalam rahtā hai

    vo āḳhir-e-shab aah ga.ī vo laġhra-e-mahbūb gayā

    yaañ apnī sazā bhugTī us ne rahmat nazar hogī us par

    har-chand ḳhatā-kār-e-ulfat kūche se tire ma.atūb gayā

    hairat hai abas ai jo in besh-bahā mansūboñ par

    is tarah ke motī tab nikle jab zer-e-zamīñ maiñ Duub gayā

    kyā us sabab maiñ arz karūñ kuchh vāqiye aise pesh aa.e

    maiñ rotā huā aayā thā yahāñ chup yaañ se gayā mar.ūb gayā

    kūche meñ tire ab 'shād' nahīñ le paak ḳhudā ne ye zamīñ

    sad shukr sarā-e-fānī se āḳhir vo sag-e-ma.ayūb gayā

    dil apni talab mein sadiq tha ghabra ke su-e-matlub gaya

    dariya se ye moti nikla tha dariya hi mein ja kar Dub gaya

    ahwal-e-jawani piri mein kya arz karun ek qissa hai

    wo tarz gai wo waza gai andaz gaya uslub gaya

    la-raib KHamoshi ne teri tasir dikha di maston ko

    be-bak jo mai-kash tha saqi us bazm se wo mahjub gaya

    be-rahila-wa-be-zad-e-safar rahmat pe bharosa farma kar

    jo mulk-e-adam mein basne ko is tarah gaya wo KHub gaya

    bad-haal bahut tha us par bhi ai yar kisi ne li na KHabar

    baD mar ke tere kuche se aaKHir ko tera majzub gaya

    rizwan ne kiya dar KHuld ka wa huren huin sadqe aa aa kar

    ghilman ne qadam chume us ke jo teri taraf mansub gaya

    taqat jo nahin ab hairat se taswir ka aalam rahta hai

    wo aaKHir-e-shab ki aah gai wo laghra-e-mahbub gaya

    yan apni saza bhugTi us ne rahmat ki nazar hogi us par

    har-chand KHata-kar-e-ulfat kuche se tere matub gaya

    hairat hai abas ai jo in besh-baha mansubon par

    is tarah ke moti tab nikle jab zer-e-zamin main Dub gaya

    kya us ka sabab main arz karun kuchh waqiye aise pesh aae

    main rota hua aaya tha yahan chup yan se gaya marub gaya

    kuche mein tere ab 'shad' nahin le pak KHuda ne ki ye zamin

    sad shukr sara-e-fani se aaKHir wo sag-e-mayub gaya

    Source:

    • Book : Dewan-e-shad Azimabadi (Pg. 31)
    • Author : Shad Azimabadi
    • Publication : Educational Publishing House (2005)
    • Edition : 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY