dil-e-tabah ko ab tak nahin yaqin aaya
dil-e-tabāh ko ab tak nahīñ yaqīñ aayā
ki shaam biit ga.ī aur tū nahīñ aayā
jahāñ se maiñ ne kiyā thā kabhī safar āġhāz
maiñ ḳhaak dhuul huā lauT kar vahīñ aayā
vo jis ke haath se taqrīb-e-dil-numā.ī thī
abhī vo lamha-e-maujūd meñ nahīñ aayā
bas ek baar mirī niiñd chhū gayā koī
phir is ke ba.ad har ik ḳhvāb-e-dil-nashīñ aayā
bichhaḌ ke tujh se tirī yaad bhī nahīñ aa.ī
makāñ kī samt palaT kar makīñ nahīñ aayā
dil-e-tabah ko ab tak nahin yaqin aaya
ki sham bit gai aur tu nahin aaya
jahan se main ne kiya tha kabhi safar aaghaz
main KHak dhul hua lauT kar wahin aaya
wo jis ke hath se taqrib-e-dil-numai thi
abhi wo lamha-e-maujud mein nahin aaya
bas ek bar meri nind chhu gaya koi
phir is ke baad har ek KHwab-e-dil-nashin aaya
bichhaD ke tujh se teri yaad bhi nahin aai
makan ki samt palaT kar makin nahin aaya
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
