doston ke hu-ba-hu paikar ka andaza laga

dostoñ ke hū-ba-hū paikar kā andāza lagā

ek patthar ke badan par kāñch kā chehra lagā

dekhne vaalī nigāhoñ meñ agar taz.hīk hai

kaun kahtā thā bhare bāzār meñ mela lagā

ḳhvāhishoñ ke peḌ se girte hue patte na chun

zindagī ke sehn meñ ummīd kā paudā lagā

tere andar kī ḳhizāñ māyūs kar degī tujhe

khiḌkiyoñ meñ phuul rakh dīvār par sabza lagā

vaqt har dukh kā masīhā ho nahīñ saktā 'naved'

zaḳhm apne dil pe mat ehsās kā gahrā lagā

doston ke hu-ba-hu paikar ka andaza laga

ek patthar ke badan par kanch ka chehra laga

dekhne wali nigahon mein agar tazhik hai

kaun kahta tha bhare bazar mein mela laga

KHwahishon ke peD se girte hue patte na chun

zindagi ke sehn mein ummid ka pauda laga

tere andar ki KHizan mayus kar degi tujhe

khiDkiyon mein phul rakh diwar par sabza laga

waqt har dukh ka masiha ho nahin sakta 'nawed'

zaKHm apne dil pe mat ehsas ka gahra laga