ganThi hai usne dosti ek pesh-imam se

gāñThī hai us ne dostī ik pesh-imām se

'ādil' uThā lo haath duā-o-salām se

paanī ne rāsta na diyā jān-būjh kar

ġhote lagā.e phir bhī rahe tishna-kām se

maiñ us galī se sar ko jhukā.e guzar gayā

chilġhoze pheñktī rahī vo mujh pe baam se

vo kaun thā jo din ke ujāle meñ kho gayā

ye chāñd kis ko DhūñDne niklā hai shaam se

kone meñ bādshāh paḌā ūñghtā rahā

Table pe raat kaT ga.ī begam ġhulām se

nashsha sā Doltā hai tire añg añg par

jaise abhī bhigo ke nikālā ho jaam se

ganThi hai us ne dosti ek pesh-imam se

'adil' uTha lo hath dua-o-salam se

pani ne rasta na diya jaan-bujh kar

ghote lagae phir bhi rahe tishna-kaam se

main us gali se sar ko jhukae guzar gaya

chilghoze phenkti rahi wo mujh pe baam se

wo kaun tha jo din ke ujale mein kho gaya

ye chand kis ko DhunDne nikla hai sham se

kone mein baadshah paDa unghta raha

Table pe raat kaT gai begam ghulam se

nashsha sa Dolta hai tere ang ang par

jaise abhi bhigo ke nikala ho jam se