hamari KHwahishon mein sargirani bhi kahan thi
hamārī ḳhvāhishoñ meñ sargirānī bhī kahāñ thī
aur us ko zindagī ham se nibhānī bhī kahāñ thī
havā le aa.ī thī is shahr meñ ai dost varna
abhī pesh-e-nazar naql-e-makānī bhī kahāñ thī
tumhārā naqsh in āñkhoñ se dhultā bhī to kaise
ki dariyā meñ vo pahlī sī ravānī bhī kahāñ thī
vo apne zo.am meñ bichhḌā magar maiñ sochtā huuñ
hamāre darmiyāñ koī kahānī bhī kahāñ thī
bahut jaldī chale aa.e haiñ ham kār-e-jahāñ se
vagarna zindagī itnī purānī bhī kahāñ thī
hamari KHwahishon mein sargirani bhi kahan thi
aur us ko zindagi hum se nibhani bhi kahan thi
hawa le aai thi is shahr mein ai dost warna
abhi pesh-e-nazar naql-e-makani bhi kahan thi
tumhaara naqsh in aankhon se dhulta bhi to kaise
ki dariya mein wo pahli si rawani bhi kahan thi
wo apne zoam mein bichhDa magar main sochta hun
hamare darmiyan koi kahani bhi kahan thi
bahut jaldi chale aae hain hum kar-e-jahan se
wagarna zindagi itni purani bhi kahan thi
Source:
Beesveen Sadi Ki Behtareen Ishqiya Ghazlen (Pg. 80)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
