aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hasin KHwab na de ab yaqin-e-sada de

Abdullah Kamal

hasin KHwab na de ab yaqin-e-sada de

Abdullah Kamal

MORE BYAbdullah Kamal

    hasīn ḳhvāb na de ab yaqīn-e-sāda de

    mire vajūd ko rab nayā labāda de

    ġham-e-hayāt ko phailā de āsmānoñ tak

    dil-e-tabāh ko vus.at bhī kuchh ziyāda de

    mujhe qarār na de pas-e-ġhubār-e-nafas

    maiñ shah-savār huuñ maidān bhī kushāda de

    na chhīn mujh se mirā zauq-e-ḳhud-navardī bhī

    mire qadam ko bhī manzil na de irāda de

    mire rafīqoñ ko de hausla ki sañg uThā.eñ

    mire ḳhulūs ko har sañg-e-sad-ifāda de

    mire harīfoñ ke dam-ḳham meñ ho kamī to unheñ

    mire ġhurūr se taufīq-e-istifāda de

    chamak de chāñd ko ThanDak havā ko dil ko umañg

    udaas qisse ko phir ek shāhzāda de

    ki merī zaat bhī jis meñ dhuāñ dhuāñ ho jaa.e

    kabhī kabhī mujhe vo sajda be-irāda de

    utaar de mirī rag rag meñ phir se sabz lahū

    sukūt-e-dasht ko phir shorish-e-i.āda de

    hasin KHwab na de ab yaqin-e-sada de

    mere wajud ko ya rab naya labaada de

    gham-e-hayat ko phaila de aasmanon tak

    dil-e-tabah ko wusat bhi kuchh ziyaada de

    mujhe qarar na de tu pas-e-ghubar-e-nafas

    main shah-sawar hun maidan bhi kushada de

    na chhin mujh se mera zauq-e-KHud-nawardi bhi

    mere qadam ko bhi manzil na de irada de

    mere rafiqon ko de hausla ki sang uThaen

    mere KHulus ko har sang-e-sad-ifada de

    mere harifon ke dam-KHam mein ho kami to unhen

    mere ghurur se taufiq-e-istifada de

    chamak de chand ko ThanDak hawa ko dil ko umang

    udas qisse ko phir ek shahzada de

    ki meri zat bhi jis mein dhuan dhuan ho jae

    kabhi kabhi mujhe wo sajda be-irada de

    utar de meri rag rag mein phir se sabz lahu

    sukut-e-dasht ko phir shorish-e-iada de

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now