ho ke KHush naz hum aison ke uThane wala

Shad Azimabadi

ho ke KHush naz hum aison ke uThane wala

Shad Azimabadi

MORE BY Shad Azimabadi

    ho ke ḳhush naaz ham aisoñ ke uThāne vaalā

    koī baaqī na rahā agle zamāne vaalā

    ḳhvāb tak meñ bhī nazar aatā nahīñ ai chashm

    mere ro dene pe ashkoñ bahāne vaalā

    aaj kuchh shaam se chup hai dil-e-mahzūñ kyā ilm

    kyuuñ ḳhafā hai mirā rātoñ jagāne vaalā

    be-ḳhudī kyuuñ na ho taarī ki gayā siine se

    ashk-e-ḳhūñ āTh-pahr mujh ko rulāne vaalā

    kab samajhtā hai ki jiinā bhī hai āḳhir koī shai

    apnī hastī tirī ulfat meñ miTāne vaalā

    mohtasib ḳhush hai bahut toḌ ke ḳhum-hā-e-sharāb

    ġham nahīñ sar pe salāmat hai pilāne vaalā

    ho ga.e dekhne vaale bhī jahāñ se nāyāb

    ab dikhā.e kise hairāñ hai dikhāne vaalā

    tere bīmār-e-mohabbat ye hālat pahuñchī

    ki haTāyā gayā takiya bhī sirhāne vaalā

    sāmnā us but-e-kāfir hai dekheñ kyā ho

    ḳhud hai shashdar mirā īmān bachāne vaalā

    'shād' ik bhiiḌ lagī rahtī thī jis ghar meñ vahāñ

    aane vaalā hai na ab koī na jaane vaalā

    ho ke KHush naz hum aison ke uThane wala

    koi baqi na raha agle zamane wala

    KHwab tak mein bhi nazar aata nahin ai chashm

    mere ro dene pe ashkon ka bahane wala

    aaj kuchh sham se chup hai dil-e-mahzun kya ilm

    kyun KHafa hai mera raaton ka jagane wala

    be-KHudi kyun na ho tari ki gaya sine se

    ashk-e-KHun aaTh-pahr mujh ko rulane wala

    kab samajhta hai ki jina bhi hai aaKHir koi shai

    apni hasti teri ulfat mein miTane wala

    mohtasib KHush hai bahut toD ke KHum-ha-e-sharab

    gham nahin sar pe salamat hai pilane wala

    ho gae dekhne wale bhi jahan se nayab

    ab dikhae kise hairan hai dikhane wala

    tere bimar-e-mohabbat ki ye haalat pahunchi

    ki haTaya gaya takiya bhi sirhane wala

    samna us but-e-kafir ka hai dekhen kya ho

    KHud hai shashdar mera iman bachane wala

    'shad' ek bhiD lagi rahti thi jis ghar mein wahan

    aane wala hai na ab koi na jaane wala

    Source:

    • Book : Dewan-e-shad Azimabadi (Pg. 83)
    • Author : Shad Azimabadi
    • Publication : Educational Publishing House (2005)
    • Edition : 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY