iman-nawaz gardish-e-paimana ho gai

īmāñ-navāz gardish-e-paimāna ho ga.ī

ham se bhī ek laġhzish-e-mastāna ho ga.ī

koī to baat sham.a ke jalne meñ thī zarūr

jis par nisār hastī-e-parvāna ho ga.ī

sad-shukr aaj ho to ga.ī un se guftugū

ye aur baat hai ki harīfāna ho ga.ī

allāh re ashk-bārī-e-sham-e-shab-e-firāq

jo sub.h hote hote ik afsāna ho ga.ī

'hairat' ke ġham-kade meñ ḳhushī kā guzar kahāñ

aap aa ga.e to raunaq-e-kāshāna ho ga.ī

iman-nawaz gardish-e-paimana ho gai

hum se bhi ek laghzish-e-mastana ho gai

koi to baat shama ke jalne mein thi zarur

jis par nisar hasti-e-parwana ho gai

sad-shukr aaj ho to gai un se guftugu

ye aur baat hai ki harifana ho gai

allah re ashk-bari-e-sham-e-shab-e-firaq

jo subh hote hote ek afsana ho gai

'hairat' ke gham-kade mein KHushi ka guzar kahan

aap aa gae to raunaq-e-kashana ho gai