ek falak aur hi sar par to bana sakte hain

ik falak aur hī sar par to banā sakte haiñ

kurra-e-arz ko behtar to banā sakte haiñ

ruuh meñ jis ne ye dahshat sī machā rakkhī hai

us kī tasvīr gumāñ bhar to banā sakte haiñ

ashk se ḳhaak huī tar yahī bas kaafī hai

ek be-jān sā paikar to banā sakte haiñ

ham agar ahl nahīñ peḌ ke phal khāne ke

shāḳh-e-sarsabz ko ḳhanjar to banā sakte haiñ

sach hai ham girya-kunāñ kuchh bhī nahīñ kar sakte

regzāroñ ko samundar to banā sakte haiñ

ātish o nuur se bijlī ke raheñ kyuuñ mahrūm

ham sar-e-dasht nayā ghar to banā sakte haiñ

garche parvāz kī quvvat nahīñ ḳhvāhish hai bahut

ham ḳhayālāt ko shahpar to banā sakte haiñ

lāla-gūñ manzar-e-shādāb sarāboñ meñ bhī

qulzum-e-ḳhūñ ho mayassar to banā sakte haiñ

ek falak aur hi sar par to bana sakte hain

kurra-e-arz ko behtar to bana sakte hain

ruh mein jis ne ye dahshat si macha rakkhi hai

us ki taswir guman bhar to bana sakte hain

ashk se KHak hui tar yahi bas kafi hai

ek be-jaan sa paikar to bana sakte hain

hum agar ahl nahin peD ke phal khane ke

shaKH-e-sarsabz ko KHanjar to bana sakte hain

sach hai hum girya-kunan kuchh bhi nahin kar sakte

regzaron ko samundar to bana sakte hain

aatish o nur se bijli ke rahen kyun mahrum

hum sar-e-dasht naya ghar to bana sakte hain

garche parwaz ki quwwat nahin KHwahish hai bahut

hum KHayalat ko shahpar to bana sakte hain

lala-gun manzar-e-shadab sarabon mein bhi

qulzum-e-KHun ho mayassar to bana sakte hain