ek lau thi mere KHun mein tahlil to ye thi

ik lau thī mire ḳhuun meñ tahlīl to ye thī

ik barq sī rau thī mirī qindīl to ye thī

tere ruḳh-e-ḳhāmosh se merī rag-e-jāñ tak

jo kaam kiyā aañkh ne tarsīl to ye thī

banñā thā to bantā na farishta na ḳhudā maiñ

insān hī bantā mirī takmīl to ye thī

sāñpoñ ke tasallut meñ the chiḌiyoñ ke basere

maftūh gharāne! tirī tamsīl to ye thī

Tiile kā khañDar sadiyoñ kī tārīḳh liye thā

ijmāl batātā thā ki tafsīl to ye thī

vo jāntā thā sajda faqat tujh ko ravā hai

palTā na phir is hukm se ta.amīl to ye thī

ik ḳhvāb dhuñdlakoñ meñ bikhartā huā 'kausar'

āḳhir ruḳh-e-ta.abīr kī tashkīl to ye thī

ek lau thi mere KHun mein tahlil to ye thi

ek barq si rau thi meri qindil to ye thi

tere ruKH-e-KHamosh se meri rag-e-jaan tak

jo kaam kiya aankh ne tarsil to ye thi

banna tha to banta na farishta na KHuda main

insan hi banta meri takmil to ye thi

sanpon ke tasallut mein the chiDiyon ke basere

maftuh gharane! teri tamsil to ye thi

Tile ka khanDar sadiyon ki tariKH liye tha

ijmal batata tha ki tafsil to ye thi

wo jaanta tha sajda faqat tujh ko rawa hai

palTa na phir is hukm se tamil to ye thi

ek KHwab dhundlakon mein bikharta hua 'kausar'

aaKHir ruKH-e-tabir ki tashkil to ye thi