ek tajassus dil mein hai ye kya hua kaise hua

ik tajassus dil meñ hai ye kyā huā kaise huā

jo kabhī apnā na thā vo ġhair kā kaise huā

maiñ ki jis kī maiñ ne to dekhā na thā sochā na thā

sochtā huuñ vo sanam merā ḳhudā kaise huā

hai gumāñ dīvār-e-zindāñ kā fasīl-e-shahr par

vo jo ik shola thā har dil meñ fanā kaise huā

rañg-e-ḳhūñ roz-e-azal se hai nishān-e-inqilāb

ziist kā unvāñ magar rañg-e-hinā kaise huā

ġhaznavī to but-shikan Thahrā magar 'ḳhātir' ye kyā

tere maslak meñ use sajda ravā kaise huā

ek tajassus dil mein hai ye kya hua kaise hua

jo kabhi apna na tha wo ghair ka kaise hua

main ki jis ki main ne to dekha na tha socha na tha

sochta hun wo sanam mera KHuda kaise hua

hai guman diwar-e-zindan ka fasil-e-shahr par

wo jo ek shola tha har dil mein fana kaise hua

rang-e-KHun roz-e-azal se hai nishan-e-inqilab

zist ka unwan magar rang-e-hina kaise hua

ghaznawi to but-shikan Thahra magar 'KHatir' ye kya

tere maslak mein use sajda rawa kaise hua