ishq ki rasm nibhana thi nibha li maine

ishq kī rasm nibhānā thī nibhā lī maiñ ne

dard kī bastī basānā thī basā lī maiñ ne

vo zarūr aa.egā ik aas lagā lī maiñ ne

ghar kī har chiiz qarīne se sajā lī maiñ ne

aaj phir chaa.e banāte hue vo yaad aayā

aaj phir chaa.e meñ pattī nahīñ Daalī maiñ ne

aag dahkī to nikalnā paḌā kamre se magar

us kī tasvīr kisī tarah bachā lī maiñ ne

naam us kā hī liyā kartī hai vo shām-o-sahar

ek mainā jo baḌe pyaar se paalī maiñ ne

vo to mahfil meñ hī elān-e-vafā kar detā

baat mat pūchhiye phir kaise sambhālī maiñ ne

ghar kī buniyād ke patthar bhī saḌak par hote

vo to achchhā huā dīvār bachā lī maiñ ne

ishq ki rasm nibhana thi nibha li main ne

dard ki basti basana thi basa li main ne

wo zarur aaega ek aas laga li main ne

ghar ki har chiz qarine se saja li main ne

aaj phir chae banate hue wo yaad aaya

aaj phir chae mein patti nahin Dali main ne

aag dahki to nikalna paDa kamre se magar

us ki taswir kisi tarah bacha li main ne

nam us ka hi liya karti hai wo sham-o-sahar

ek maina jo baDe pyar se pali main ne

wo to mahfil mein hi elan-e-wafa kar deta

baat mat puchhiye phir kaise sambhaali main ne

ghar ki buniyaad ke patthar bhi saDak par hote

wo to achchha hua diwar bacha li main ne