itni qurbat bhi nahin Thik hai ab yar ke sath

Saleem Siddiqui

itni qurbat bhi nahin Thik hai ab yar ke sath

Saleem Siddiqui

MORE BYSaleem Siddiqui

    itnī qurbat bhī nahīñ Thiik hai ab yaar ke saath

    zaḳhm khā jāoge kheloge jo talvār ke saath

    ek aahaT bhī mire ghar se ubhartī hai agar

    log kaan apne lagā lete haiñ dīvār ke saath

    paañv sākit haiñ magar ghuum rahī hai duniyā

    zindagī Thahrī huī lagtī hai raftār ke saath

    ek jaltā huā aañsū mirī āñkhoñ se girā

    beḌiyāñ TuuT ga.iiñ zulm jhankār ke saath

    kal bhī anmol thā maiñ aaj bhī anmol huuñ maiñ

    ghaTtī baḌhtī nahīñ qīmat mirī bāzār ke saath

    kaj-kulāhī pe na maġhrūr huā kar itnā

    sar utar aate haiñ shāhoñ ke bhī dastār ke saath

    kaun jurm ḳhudā jaane huā hai sābit

    mashvare kartā hai munsif jo gunahgār ke saath

    shahr bhar ko maiñ mayassar huuñ sivā.e us ke

    jis dīvār lagī hai mirī dīvār ke saath

    itni qurbat bhi nahin Thik hai ab yar ke sath

    zaKHm kha jaoge kheloge jo talwar ke sath

    ek aahaT bhi mere ghar se ubharti hai agar

    log kan apne laga lete hain diwar ke sath

    panw sakit hain magar ghum rahi hai duniya

    zindagi Thahri hui lagti hai raftar ke sath

    ek jalta hua aansu meri aankhon se gira

    beDiyan TuT gain zulm ki jhankar ke sath

    kal bhi anmol tha main aaj bhi anmol hun main

    ghaTti baDhti nahin qimat meri bazar ke sath

    kaj-kulahi pe na maghrur hua kar itna

    sar utar aate hain shahon ke bhi dastar ke sath

    kaun sa jurm KHuda jaane hua hai sabit

    mashware karta hai munsif jo gunahgar ke sath

    shahr bhar ko main mayassar hun siwae us ke

    jis ki diwar lagi hai meri diwar ke sath

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY