jaanti hun ki wo KHafa bhi nahin

jāntī huuñ ki vo ḳhafā bhī nahīñ

dil kisī taur māntā bhī nahīñ

kyā vafā o jafā kī baat kareñ

darmiyāñ ab to kuchh rahā bhī nahīñ

dard vo bhī sahā hai tere liye

merī qismat meñ jo likhā bhī nahīñ

har tamannā sarāb bantī rahī

in sarāboñ kī intihā bhī nahīñ

haañ charāġhāñ kī kaifiyat thī kabhī

ab to palkoñ pe ik diyā bhī nahīñ

dil ko ab tak yaqīn aa na sakā

yuuñ nahīñ hai ki vo milā bhī nahīñ

vaqt itnā guzar chukā hai 'hinā'

jaane vaale se ab gila bhī nahīñ

jaanti hun ki wo KHafa bhi nahin

dil kisi taur manta bhi nahin

kya wafa o jafa ki baat karen

darmiyan ab to kuchh raha bhi nahin

dard wo bhi saha hai tere liye

meri qismat mein jo likha bhi nahin

har tamanna sarab banti rahi

in sarabon ki intiha bhi nahin

han charaghan ki kaifiyat thi kabhi

ab to palkon pe ek diya bhi nahin

dil ko ab tak yaqin aa na saka

yun nahin hai ki wo mila bhi nahin

waqt itna guzar chuka hai 'hina'

jaane wale se ab gila bhi nahin