jism ke gharaunde mein aag shor karti hai
jism ke gharauñde meñ aag shor kartī hai
dil meñ jab mohabbat kī chāñdnī utartī hai
shaam ke dhuñdlakoñ meñ Dūbtā hai yuuñ sūraj
jaise aarzū koī mere dil meñ martī hai
din meñ ek miltī hai aur dūsrī shab meñ
dhuup jab bichhaḌtī hai chāñdnī sañvartī hai
bāġhbāñ ne rokā yā le gayā use bādal
baat kyā huī ḳhushbū itnī der kartī hai
ġham kī band muTThī meñ ret sā mirā jīvan
jab zarā kasī muTThī zindagī bikhartī hai
gaañv ke parind tum ko kyā patā bidesoñ meñ
raat ham akeloñ kī kis tarah guzartī hai
duur mujh se rahte haiñ saare ġham zamāne ke
terī yaad kī ḳhushbū dil meñ jab Thahartī hai
jism ke gharaunde mein aag shor karti hai
dil mein jab mohabbat ki chandni utarti hai
sham ke dhundlakon mein Dubta hai yun suraj
jaise aarzu koi mere dil mein marti hai
din mein ek milti hai aur dusri shab mein
dhup jab bichhaDti hai chandni sanwarti hai
baghban ne roka ya le gaya use baadal
baat kya hui KHushbu itni der karti hai
gham ki band muTThi mein ret sa mera jiwan
jab zara kasi muTThi zindagi bikharti hai
ganw ke parind tum ko kya pata bideson mein
raat hum akelon ki kis tarah guzarti hai
dur mujh se rahte hain sare gham zamane ke
teri yaad ki KHushbu dil mein jab Thaharti hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
