jiye KHud ke liye gar hum maza tab kya hai jine mein
jiye ḳhud ke liye gar ham mazā tab kyā hai jiine meñ
bahe auroñ kī ḳhātir jo hai ḳhushbū us pasīne meñ
hai jin ke bāzuoñ meñ dam vo dariyā paar kar leñge
bahut mumkin hai Dūbeñ vo jo baiThe haiñ safīne meñ
ye kaisā daur aayā hai saroñ par taaj hai un ke
nahīñ ma.alūm jin ko farq patthar aur nagīne meñ
hamāre dostoñ kī muskurāhaT ik chhalāvā hai
hai paaya zahr aksar ḳhūb-sūrat ābgīne meñ
gae tum duur jab se dil ye kahtā hai karo tauba
maza aatā nahīñ ḳhud hī uThā kar jaam piine meñ
sitam sahne kī aadat is qadar ham ko paḌī 'nīraj'
kahīñ kuchh ho, nahīñ ab khaultā hai ḳhuun siine meñ
jiye KHud ke liye gar hum maza tab kya hai jine mein
bahe auron ki KHatir jo hai KHushbu us pasine mein
hai jin ke bazuon mein dam wo dariya par kar lenge
bahut mumkin hai Duben wo jo baiThe hain safine mein
ye kaisa daur aaya hai saron par taj hai un ke
nahin malum jin ko farq patthar aur nagine mein
hamare doston ki muskurahaT ek chhalawa hai
hai paya zahr aksar KHub-surat aabgine mein
gae tum dur jab se dil ye kahta hai karo tauba
maza aata nahin KHud hi uTha kar jam pine mein
sitam sahne ki aadat is qadar hum ko paDi 'niraj'
kahin kuchh ho, nahin ab khaulta hai KHun sine mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
