kash tum samajh saktin zindagi mein shaer ki aise din bhi aate hain

kaash tum samajh saktīñ zindagī meñ shā.er kī aise din bhī aate haiñ

jab usī ke parvarda chāñd us pe hañste haiñ phuul muskurāte haiñ

ab to mere shah-pāre jo tum hī se the mansūb yuuñ jhalak dikhāte haiñ

duur ek mandir meñ kuchh diye murādoñ ke jaise jhilmilāte haiñ

tum ne kab ye samjhā thā maiñ ne kab ye sochā thā zindagī kī rāhoñ meñ

chalte chalte do raahī ek moḌ par aa kar ḳhud hī chhūT jaate haiñ

kaam husn-kāroñ kā āñsuoñ kī zau de kar kuchh kañval khilā denā

maut husn-kāroñ kī jab vo ḳhud shab-e-ġham meñ ye diye bujhāte haiñ

tez-tar havā.eñ haiñ maut kī fazā.eñ haiñ raat sard o jāmid hai

ahmarīñ sitāre bhī vāqa.ī divāne haiñ ab bhī muskurāte haiñ

alvidā ai merī shāhkār nazmoñ kī zar-nigār shahzādī

māvarā-e-ulfat bhī kuchh na.e taqāze haiñ jo mujhe bulāte haiñ

kash tum samajh saktin zindagi mein shaer ki aise din bhi aate hain

jab usi ke parwarda chand us pe hanste hain phul muskuraate hain

ab to mere shah-pare jo tum hi se the mansub yun jhalak dikhate hain

dur ek mandir mein kuchh diye muradon ke jaise jhilmilate hain

tum ne kab ye samjha tha main ne kab ye socha tha zindagi ki rahon mein

chalte chalte do rahi ek moD par aa kar KHud hi chhuT jate hain

kaam husn-karon ka aansuon ki zau de kar kuchh kanwal khila dena

maut husn-karon ki jab wo KHud shab-e-gham mein ye diye bujhate hain

tez-tar hawaen hain maut ki fazaen hain raat sard o jamid hai

ahmarin sitare bhi waqai diwane hain ab bhi muskuraate hain

alwida ai meri shahkar nazmon ki zar-nigar shahzadi

mawara-e-ulfat bhi kuchh nae taqaze hain jo mujhe bulate hain