kab apne hone ka izhaar karne aati hai
kab apne hone kā iz.hār karne aatī hai
ye aag mujh ko numūdār karne aatī hai
maiñ din meñ ḳhvāb banātā huuñ rañg rañg ke ḳhvāb
magar ye raat unheñ mismār karne aatī hai
añdherā jaatā hai jab bhī ulaT-palaT ke mujhe
to raushnī mujhe hamvār karne aatī hai
havā-e-kūcha-e-duniyā maiñ jāntā huuñ tujhe
tū jab bhī aatī hai bīmār karne aatī hai
jo dil se hotī huī aa rahī hai merī taraf
ye lahr mujh ko ḳhabar-dār karne aatī hai
kab apne hone ka izhaar karne aati hai
ye aag mujh ko numudar karne aati hai
main din mein KHwab banata hun rang rang ke KHwab
magar ye raat unhen mismar karne aati hai
andhera jata hai jab bhi ulaT-palaT ke mujhe
to raushni mujhe hamwar karne aati hai
hawa-e-kucha-e-duniya main jaanta hun tujhe
tu jab bhi aati hai bimar karne aati hai
jo dil se hoti hui aa rahi hai meri taraf
ye lahr mujh ko KHabar-dar karne aati hai
- Book : Istifsaar (Pg. 43)
- Author : Sheen Kaaf Nizam, Aadil Raza Mansoori
- Publication : Aadil Raza Mansoori (Issue No. 1, Oct To Dec. 2013)
- Edition : Issue No. 1, Oct To Dec. 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
