kaif-e-surur-o-soz ke qabil nahin raha

kaif-e-surūr-o-soz ke qābil nahīñ rahā

ye aur dil hai ab vo mirā dil nahīñ rahā

siine meñ maujzan nahīñ tūfān-e-ārzū

Takrā.e kis se mauj ki sāhil nahīñ rahā

jo kuchh matā-e-dil thī vo sab ḳhatm ho ga.ī

ab kārobār-e-shauq ke qābil nahīñ rahā

bazm-e-tarab bisāt-e-masarrat fareb haiñ

maiñ aish-e-musta.ār kā qaa.el nahīñ rahā

kam-mā.egī ne dil tujhe be-qadr kar diyā

duzd-e-nigāh-e-nāz ke qābil nahīñ rahā

jins-e-vafā kā dahr meñ bāzār gir gayā

jab ishq faiz-e-husn kā hāmil nahīñ rahā

aalā bhī hote haiñ kabhī asfal se bahra-var

gul kyā khileñ agar karam-e-gil nahīñ rahā

kaif-e-surur-o-soz ke qabil nahin raha

ye aur dil hai ab wo mera dil nahin raha

sine mein maujzan nahin tufan-e-arzu

Takrae kis se mauj ki sahil nahin raha

jo kuchh mata-e-dil thi wo sab KHatm ho gai

ab karobar-e-shauq ke qabil nahin raha

bazm-e-tarab bisat-e-masarrat fareb hain

main aish-e-mustaar ka qael nahin raha

kam-maegi ne dil tujhe be-qadr kar diya

duzd-e-nigah-e-naz ke qabil nahin raha

jins-e-wafa ka dahr mein bazar gir gaya

jab ishq faiz-e-husn ka hamil nahin raha

aala bhi hote hain kabhi asfal se bahra-war

gul kya khilen agar karam-e-gil nahin raha