kaun sayyaad idhar bahr-e-shikar aata hai

Miyan dad Khan Sayyah

kaun sayyaad idhar bahr-e-shikar aata hai

Miyan dad Khan Sayyah

MORE BYMiyan dad Khan Sayyah

    kaun sayyād idhar bahr-e-shikār aatā hai

    tā.ir-e-dil qafas-e-tan meñ jo ghabrātā hai

    zulf-e-mushkīñ jo is shoḳh ke dhyān aatā hai

    zaḳhm se sīna-e-majrūh char jaatā hai

    hijr meñ maut bhī aa.ī na mujhe sach hai masal

    vaqt par kaun kisī ke koī kaam aatā hai

    ab to allāh hai yārān-e-vatan hāfiz

    dasht meñ josh-e-junūñ ham ko liye jaatā hai

    Duub kar chāh-e-zaqan siina mirā dil niklā

    qadd-e-ādam se sivā aab nazar aatā hai

    muzhda ai dil ki masīhā ne diyā saaf javāb

    ab koī dam ko laboñ par mirā dam aatā hai

    teġh chaltī hai qātil dam-e-jañg zabāñ

    sulh naam jo letā hai to haklātā hai

    turra-e-kākul-e-pechāñ ruḳh-e-nūrānī par

    chashma-e-ā.īna meñ saañp lahrātā hai

    shauq tauf-e-haram-e-kū-e-sanam din raat

    sūrat-e-naqsh-e-qadam Thokareñ khilvātā hai

    dū-ba-dū āshiq-e-shaidā se vo hogā kyūñkar

    ā.īne meñ bhī jo muñh dekhte sharmātā hai

    saḳht pachhtāte haiñ ham de ke dil us ko 'sayyāh'

    apnī afsos javānī pe hameñ aatā hai

    kaun sayyaad idhar bahr-e-shikar aata hai

    tair-e-dil qafas-e-tan mein jo ghabraata hai

    zulf-e-mushkin ka jo is shoKH ke dhyan aata hai

    zaKHm se sina-e-majruh ka char jata hai

    hijr mein maut bhi aai na mujhe sach hai masal

    waqt par kaun kisi ke koi kaam aata hai

    ab to allah hai yaran-e-watan ka hafiz

    dasht mein josh-e-junun hum ko liye jata hai

    Dub kar chah-e-zaqan sina mera dil nikla

    qadd-e-adam se siwa aab nazar aata hai

    muzhda ai dil ki masiha ne diya saf jawab

    ab koi dam ko labon par mera dam aata hai

    tegh si chalti hai qatil ki dam-e-jang zaban

    sulh ka nam jo leta hai to haklata hai

    turra-e-kakul-e-pechan ruKH-e-nurani par

    chashma-e-aina mein sanp sa lahraata hai

    shauq tauf-e-haram-e-ku-e-sanam ka din raat

    surat-e-naqsh-e-qadam Thokaren khilwata hai

    du-ba-du aashiq-e-shaida se wo hoga kyunkar

    aaine mein bhi jo munh dekhte sharmata hai

    saKHt pachhtate hain hum de ke dil us ko 'sayyah'

    apni afsos jawani pe hamein aata hai

    Source:

    • Book : Miyadad Khan Saiyyah (Pg. 94)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY