Khaali Khaali raston pe be-karan udasi hai

ḳhālī ḳhālī rastoñ pe be-karāñ udāsī hai

jism ke tamāshe meñ ruuh pyāsī pyāsī hai

ḳhvāb aur tamannā kā kyā hisāb rakhnā hai

ḳhvāhisheñ haiñ sadiyoñ kī umr to zarā sī hai

rāh-o-rasm rakhne ke ba.ad ham ne jaanā hai

vo jo āshnā.ī thī vo to nā-shanāsī hai

ham kisī na.e din kā intizār karte haiñ

din purāne sūraj kā shaam baasī baasī hai

dekh kar tumheñ koī kis tarah sambhal paa.e

sab havās jaage haiñ aisī bad-havāsī hai

zaḳhm ke chhupāne ko ham libās laa.e the

shahr bhar kā kahnā hai ye to ḳhūñ-libāsī hai

KHali KHali raston pe be-karan udasi hai

jism ke tamashe mein ruh pyasi pyasi hai

KHwab aur tamanna ka kya hisab rakhna hai

KHwahishen hain sadiyon ki umr to zara si hai

rah-o-rasm rakhne ke baad hum ne jaana hai

wo jo aashnai thi wo to na-shanasi hai

hum kisi nae din ka intizar karte hain

din purane suraj ka sham basi basi hai

dekh kar tumhein koi kis tarah sambhal pae

sab hawas jage hain aisi bad-hawasi hai

zaKHm ke chhupane ko hum libas lae the

shahr bhar ka kahna hai ye to KHun-libasi hai