koi gulab kabhi us ka dil dukhaya tha
koī gulāb kabhī us kā dil dukhāyā thā
so regzār pe bhī vahshatoñ kā saayā thā
utar ke shāḳh se ik ek zard patte ne
na.ī rutoñ ke liye rāsta banāyā thā
vo shāḳh-e-sāyā-e-iḳhlās kaT ga.ī ik roz
tapish se jis ne mujhe umr bhar bachāyā thā
shajar shajar ko nishāna banāne vaalo tumheñ
ḳhayāl bhī na kisī ghoñsle kā aayā thā
kisī ḳhayāl kisī ḳhvāb ke liye 'ḳhurshīd'
diyā darīche meñ rakkhā thā dil jalāyā thā
koi gulab kabhi us ka dil dukhaya tha
so regzar pe bhi wahshaton ka saya tha
utar ke shaKH se ek ek zard patte ne
nai ruton ke liye rasta banaya tha
wo shaKH-e-saya-e-iKHlas kaT gai ek roz
tapish se jis ne mujhe umr bhar bachaya tha
shajar shajar ko nishana banane walo tumhein
KHayal bhi na kisi ghonsle ka aaya tha
kisi KHayal kisi KHwab ke liye 'KHurshid'
diya dariche mein rakkha tha dil jalaya tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
