kuchh to mil jae kahin dida-e-pur-nam ke siwa
kuchh to mil jaa.e kahīñ dīda-e-pur-nam ke sivā
aañkh se Tapke vahī girya-e-mātam ke sivā
gulshan-e-zīst meñ mausam kā badalnā kyā hai
kaash ruk jaa.e koī dard ke mausam ke sivā
sub.h kā vaqt hai kirnoñ ko batā de koī
ḳhush haiñ gulshan meñ sabhī qatra-e-shabnam ke sivā
vo zamāne kā taġhayyur ho ki mausam kā mizāj
be-zarar donoñ haiñ nairañgi-e-ādām ke sivā
aise tūfāñ kī hai tamhīd ye maujūda sukūt
kuchh na jab hogā yahāñ shorish-e-paiham ke sivā
kuchh to mil jae kahin dida-e-pur-nam ke siwa
aankh se Tapke wahi girya-e-matam ke siwa
gulshan-e-zist mein mausam ka badalna kya hai
kash ruk jae koi dard ke mausam ke siwa
subh ka waqt hai kirnon ko bata de koi
KHush hain gulshan mein sabhi qatra-e-shabnam ke siwa
wo zamane ka taghayyur ho ki mausam ka mizaj
be-zarar donon hain nairangi-e-adam ke siwa
aise tufan ki hai tamhid ye maujuda sukut
kuchh na jab hoga yahan shorish-e-paiham ke siwa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
