kya hai ki aaj chalte ho katra ke rah se

Wahshat Raza Ali Kalkatvi

kya hai ki aaj chalte ho katra ke rah se

Wahshat Raza Ali Kalkatvi

MORE BY Wahshat Raza Ali Kalkatvi

    kyā hai ki aaj chalte ho katrā ke raah se

    dekho idhar nigāh milā kar nigāh se

    sharm-e-jafā se chhupte ho tum dād-ḳhvāh se

    uzr-e-gunah tumhārā hai bad-tar gunāh se

    un hayā o sharm ne rakkhī hai dil sharm

    kyā hogā jab nigāh milegī nigāh se

    insāf bhī yahī hai yahī shān-e-husn bhī

    haañ haañ nazar churāo qatīl-e-nigāh se

    baitus-sanam se duur nahīñ hai haram raah

    kyuuñ raah pūchheñ zāhid-e-gum-karda-rāh se

    kyuuñ shikva ham kareñ adam-e-iltifāt

    vo pūchhte to haiñ nigah-e-gāh-gāh se

    zāhid hazār haif ki pahuñchā na koī faiz

    rindoñ ke mai-kade ko tirī ḳhānqāh se

    parvānoñ hujūm hai sham.a-e-jamāl par

    jiitā phiregā kaun tirī jalva-gāh se

    shikva karūñ tumhārī jafā to rū-siyāh

    dekho na tum mujhe nigah-e-uzr-ḳhvāh se

    ḳhush.hāli-e-raqīb se vo shaad shaad haiñ

    yaanī haiñ be-ḳhabar mire hāl-e-tabāh se

    gardan jhukī huī hai uThāte nahīñ haiñ sar

    Dar hai unheñ nigāh laḌegī nigāh se

    niklā na koī haif yahāñ qābil-e-shikār

    sayyād ḳhālī haath phirā said-gāh se

    har chand 'vahshat' apnī ġhazal thī girī huī

    mahfil suḳhan guuñj uThī vaah vaah se

    kya hai ki aaj chalte ho katra ke rah se

    dekho idhar nigah mila kar nigah se

    sharm-e-jafa se chhupte ho tum dad-KHwah se

    uzr-e-gunah tumhaara hai bad-tar gunah se

    un ki haya o sharm ne rakkhi hai dil ki sharm

    kya hoga jab nigah milegi nigah se

    insaf bhi yahi hai yahi shan-e-husn bhi

    han han nazar churao qatil-e-nigah se

    baitus-sanam se dur nahin hai haram ki rah

    kyun rah puchhen zahid-e-gum-karda-rah se

    kyun shikwa hum karen adam-e-iltifat ka

    wo puchhte to hain nigah-e-gah-gah se

    zahid hazar haif ki pahuncha na koi faiz

    rindon ke mai-kade ko teri KHanqah se

    parwanon ka hujum hai shama-e-jamal par

    jita phirega kaun teri jalwa-gah se

    shikwa karun tumhaari jafa ka to ru-siyah

    dekho na tum mujhe nigah-e-uzr-KHwah se

    KHushhaali-e-raqib se wo shad shad hain

    yani hain be-KHabar mere haal-e-tabah se

    gardan jhuki hui hai uThate nahin hain sar

    Dar hai unhen nigah laDegi nigah se

    nikla na koi haif yahan qabil-e-shikar

    sayyaad KHali hath phira said-gah se

    har chand 'wahshat' apni ghazal thi giri hui

    mahfil suKHan ki gunj uThi wah wah se

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY