lafz ki buhtat itni naqd o fan mein aa gai
lafz kī buhtāt itnī naqd o fan meñ aa ga.ī
masḳh ho kar sūrat-e-ma.anī suḳhan meñ aa ga.ī
nisf āñkheñ khol kar hī us ne dekhā thā mujhe
chalne phirne kī sakat maflūj tan meñ aa ga.ī
ab na vo ahbāb zinda haiñ na rasm-ul-ḳhat vahāñ
ruuTh kar urdu to dehlī se dakan meñ aa ga.ī
us ke chehre kā mujhe mardāna-pan achchhā lagā
chāshnī namkīn sī saare badan meñ aa ga.ī
kyuuñ saperā-pan tire nainoñ meñ paidā ho gayā
is qadar shoḳhī kidhar se bāñkpan meñ aa ga.ī
ek bosa hoñT par phailā tabassum ban gayā
jo harārat thī mirī us ke badan meñ aa ga.ī
ek vahshī sinf se ham ne sharāfat siikh lī
panj-tan kī lau ġhazal kī anjuman meñ aa ga.ī
ḳhuld kī tasvīr 'kāvish' hū-ba-hū kashmīr thī
laash us kī pairahan se ḳhud kafan meñ aa ga.ī
lafz ki buhtat itni naqd o fan mein aa gai
masKH ho kar surat-e-mani suKHan mein aa gai
nisf aankhen khol kar hi us ne dekha tha mujhe
chalne phirne ki sakat mafluj tan mein aa gai
ab na wo ahbab zinda hain na rasm-ul-KHat wahan
ruTh kar urdu to dehli se dakan mein aa gai
us ke chehre ka mujhe mardana-pan achchha laga
chashni namkin si sare badan mein aa gai
kyun sapera-pan tere nainon mein paida ho gaya
is qadar shoKHi kidhar se bankpan mein aa gai
ek bosa honT par phaila tabassum ban gaya
jo hararat thi meri us ke badan mein aa gai
ek wahshi sinf se hum ne sharafat sikh li
panj-tan ki lau ghazal ki anjuman mein aa gai
KHuld ki taswir 'kawish' hu-ba-hu kashmir thi
lash us ki pairahan se KHud kafan mein aa gai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
