lahu tezab karna chahta hai
lahū tezāb karnā chāhtā hai
badan ik aag dariyā chāhtā hai
mayassar se ziyāda chāhtā hai
samundar jaise dariyā chāhtā hai
ise bhī saañs lene de ki har-dam
badan bāhar nikalnā chāhtā hai
mujhe bilkul ye andāza nahīñ thā
vo ab rasta badalnā chāhtā hai
na.ī zanjīr phailā.e hai bāñheñ
koī āzād honā chāhtā hai
ruteñ badlīñ na.e phal-phūl aa.e
magar dil sab purānā chāhtā hai
sukūñ kahiye jise hai rāste meñ
do ik pal hī meñ aayā chāhtā hai
havā bhī chāhiye aur raushnī bhī
har ik hujra darīcha chāhtā hai
bagūloñ se bharā hai dasht saarā
yahī to roz sahrā chāhtā hai
lahu tezab karna chahta hai
badan ek aag dariya chahta hai
mayassar se ziyaada chahta hai
samundar jaise dariya chahta hai
ise bhi sans lene de ki har-dam
badan bahar nikalna chahta hai
mujhe bilkul ye andaza nahin tha
wo ab rasta badalna chahta hai
nai zanjir phailae hai banhen
koi aazad hona chahta hai
ruten badlin nae phal-phul aae
magar dil sab purana chahta hai
sukun kahiye jise hai raste mein
do ek pal hi mein aaya chahta hai
hawa bhi chahiye aur raushni bhi
har ek hujra daricha chahta hai
bagulon se bhara hai dasht sara
yahi to roz sahra chahta hai
- Book : Ghazal Ke Rang (Pg. 81)
- Author : Akram Naqqash, Sohil Akhtar
- Publication : Aflaak Publications, Gulbarga (2014)
- Edition : 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
