log patthar ke the fariyaad kahan tak karte

log patthar ke the fariyād kahāñ tak karte

dil ke vīrāne ham ābād kahāñ tak karte

āḳhirash kar liyā miTTī ke haram meñ qayām

ḳhud ko ham ḳhānamāñ-barbād kahāñ tak karte

ek zindān-e-mohabbat meñ hue ham bhī asiir

ḳhud ko har qaid se āzād kahāñ tak karte

ḳhud pe mauqūf kiyā us kā faqat dars-e-visāl

har na.e dars ko ham yaad kahāñ tak karte

kar liyā ek bayābāñ ko musaḳhḳhar ham ne

roz tasvīr ko ījād kahāñ tak karte

log ḳhāmosh the isbāt o nafī ke mābain

aise māhaul meñ irshād kahāñ tak karte

har vajūd apne liye ek savālī thā 'tarāz'

ḳhud ko ham mā.il-e-ab.ād kahāñ tak karte

log patthar ke the fariyaad kahan tak karte

dil ke virane hum aabaad kahan tak karte

aaKHirash kar liya miTTi ke haram mein qayam

KHud ko hum KHanaman-barbaad kahan tak karte

ek zindan-e-mohabbat mein hue hum bhi asir

KHud ko har qaid se aazad kahan tak karte

KHud pe mauquf kiya us ka faqat dars-e-visal

har nae dars ko hum yaad kahan tak karte

kar liya ek bayaban ko musaKHKHar hum ne

roz taswir ko ijad kahan tak karte

log KHamosh the isbaat o nafi ke mabain

aise mahaul mein irshad kahan tak karte

har wajud apne liye ek sawali tha 'taraaz'

KHud ko hum mail-e-abaad kahan tak karte