main ki afsurda makanon mein rahun
maiñ ki afsurda makānoñ meñ rahūñ
aaj bhī guzre zamānoñ meñ rahūñ
raat hai sar par koī sūraj nahīñ
kis liye phir sā.ebānoñ meñ rahūñ
kyā vasīla ho mire iz.hār kā
lafz huuñ gūñgī zabānoñ meñ rahūñ
kaun dekhegā yahāñ tāqat mirī
tiir huuñ TuuTī kamānoñ meñ rahūñ
bheḌiye haiñ chār-sū biphre hue
nīche utrūñ yā machānoñ meñ rahūñ
mere hone kā ho kuchh to fā.eda
huuñ havā to bādbānoñ meñ rahūñ
rābta rakhkhūñ zamīnoñ se magar
āsmānoñ kī uḌānoñ meñ rahūñ
ye bhī kyā 'faḳhrī' ki purzoñ kī tarah
raat din maiñ kār-ḳhānoñ meñ rahūñ
main ki afsurda makanon mein rahun
aaj bhi guzre zamanon mein rahun
raat hai sar par koi suraj nahin
kis liye phir saebanon mein rahun
kya wasila ho mere izhaar ka
lafz hun gungi zabanon mein rahun
kaun dekhega yahan taqat meri
tir hun TuTi kamanon mein rahun
bheDiye hain chaar-su biphre hue
niche utrun ya machanon mein rahun
mere hone ka ho kuchh to faeda
hun hawa to baadbanon mein rahun
rabta rakhkhun zaminon se magar
aasmanon ki uDanon mein rahun
ye bhi kya 'faKHri' ki purzon ki tarah
raat din main kar-KHanon mein rahun
- Book : Pakistani Adab (Pg. 498)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
