mazid kuchh nahin bola main ho gaya KHamosh

Abdurrahman Wasif

mazid kuchh nahin bola main ho gaya KHamosh

Abdurrahman Wasif

MORE BY Abdurrahman Wasif

    mazīd kuchh nahīñ bolā maiñ ho gayā ḳhāmosh

    is ehtimām se us ne mujhe kahā ḳhāmosh

    ab aise haal meñ kyā ḳhaak guftugū hogī

    ki ek soch meñ gum hai to dūsrā ḳhāmosh

    so yuuñ huā ki lagā qufl nutq-o-lab pe mire

    maiñ tum se mil ke bahut der tak rahā ḳhāmosh

    jab ehtimām se rauñdā gayā vajūd mirā

    to sāmne vo khaḌā thā gurez-pā ḳhāmosh

    maiñ jāntā huuñ mirī sar-kashīdgī sabab

    so mujh se baat na kar mere nāsehā ḳhāmosh

    samā.atoñ meñ na.ī guuñj kis ne rakkhī hai

    ki har taraf se uThī ek sadā ḳhāmosh

    maiñ ek dasht-e-tamannā meñ niim zinda huuñ

    havās-bāḳhta ghāyal barahna-pā ḳhāmosh

    mazid kuchh nahin bola main ho gaya KHamosh

    is ehtimam se us ne mujhe kaha KHamosh

    ab aise haal mein kya KHak guftugu hogi

    ki ek soch mein gum hai to dusra KHamosh

    so yun hua ki laga qufl nutq-o-lab pe mere

    main tum se mil ke bahut der tak raha KHamosh

    jab ehtimam se raunda gaya wajud mera

    to samne wo khaDa tha gurez-pa KHamosh

    main jaanta hun meri sar-kashidgi ka sabab

    so mujh se baat na kar mere naseha KHamosh

    samaaton mein nai gunj kis ne rakkhi hai

    ki har taraf se uThi ek hi sada KHamosh

    main ek dasht-e-tamanna mein nim zinda hun

    hawas-baKHta ghayal barahna-pa KHamosh

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites